2011-2-18 15:28
CJ君人
新副本十二殺星文字攻略全面睇
十二殺星...
固名思義即是有十二個BOSS比你打...
但請放心唔係真有十二個輪住要打咁辛苦...
只係在十二個當中随機抽出其中既六個要打...
至於時間限制方面係限時五十分鐘...
正式入到去副本後會有十五秒比全隊人做準備
可以加狀態回血氣同出寵...但要留意一點...
會每五分鐘就出一個BOSS...如果五分鐘內
都未殺得到個BOSS就會即時再出多另一個BOSS...
但如果打得快係限時之內殺得到一個BOSS...
只要等一分鐘咁下一個BOSS就會出現...
好...簡介完畢...以下就係如何對付十二個BOSS既方法...
=========================================
1. 吳永，外號「天機星」...
佢會每一分鐘會出一次叫做「號令伏兵」既技能...
同時會釋放出另一技能「殺星護體」令自己受到既傷害完全免疫...
但放心佢咁做並不代表傷唔到佢...佢係出完兩個技能後
現場會出現三個分別有红色、黄色、紫色三種颜色既妖星出現。
e個時候技巧就係e三個妖星身上...全隊人就要留意吳永既說話...
如果佢講既係「伏兵聽我號令！紫氣東來」...
咁全隊人就要即殺紫色既妖星...
如果佢講既係「伏兵聽我號令！黄粱美夢」...
咁全隊人就要即殺黄色既妖星...
如果佢講既係「伏兵聽我號令！红妝素裏」...
咁全隊人就要即殺红色既妖星...
亦即係「紫氣東來」「黄粱美夢」「红妝素裏」
e三個詞語代表紫、黄、紅e三種顏色既妖星伏兵...
而如果颜色殺岩...吳永就會講你地破左佢既伏兵...
佢既血量就會即時大量減少...如果颜色殺错...
吳永就會講你地中計傷唔到佢...留意係三種妖星消失之前佢會一直免疫傷害...
========================================
2. 武頌，外號「天傷星」...
佢冇任何技能但會用火攻傷人...並會降低你既火抗...不過弱點係怕冰攻...
========================================
3. 宋姜，外號「天魁星」...
佢會釋放技能「群妖聚星」...屬於範圍攻擊...
對十二個目標有效並會傷害目標40%既血...
但其攻擊有距離限制...只要行遠d就可以避開...
對付佢較適合多遠攻既隊伍...
========================================
4. 公孫聖，外號「天閑星」...
佢擅長符術...當佢血量降到一半會使用分身...
而佢分身既血量同佢自己都係一半既血...
留意如果先把佢殺左之後再殺佢分身...
咁佢分身又會走出另一個分身...
所以佢既分身會不斷出現...
要完全殺死佢既方法就是將佢既分身同佢自己一齊殺...
否則下一個甚至更多BOSS就會同時出現...
========================================
5. 關盛，外號「天勇星」...
佢既技能是「滅世刀陣」...
出之後為大範圍既玄屬性群攻擊...
但佢係放刀陣前會係佢個身有一個生門...
只要行入去e個生門就可以避到「滅世刀陣」...
所以打佢重點在於點搵到個生門...
而係打佢時可以用近攻打法...全隊人企埋一齊...
盡量拉近同關盛既距離就有可能發現到個生門...
=======================================
6. 呼延啄，外號「天威星」...
佢冇任何技能但會用玄攻傷人...
並會降低你既玄抗...但佢弱點係怕毒攻...
=======================================
7. 花容，外號「天英星」...
佢擅長陣法...而陣法威力極大...
同大飘李秋水出既技能一樣...
所以只要留意花容佢講既野...
係佢講放陣既時候即刻拉開同佢既距離...
而且留意唔好靠近佢擺既陣...
但佢會有機會會講「哎呀，放错陣法，
放到對你們有利的陣法了」...咁e個時候
佢擺既陣會係綠色...當睇到有綠色既陣入去之後...
打佢時打佢既傷害就會放大...所以就唔好避開綠色既陣法...
=======================================
8. 李魁，外號「天殺星」...
佢既技能係放瘟疫...
係佢放瘟疫既時候會點全隊其中一個人或者一隻寵既名...
當比佢點到名既人就會即時變做「病原體」...
「病原體」會释放瘟疫但佢自己唔會受到瘟疫既攻擊...
而「病原體」附近五米内既人同寵會受到「病原體」释放既瘟疫感染...
即時每兩秒受到傷害2%...所以打李魁既方法係留意佢講既野...
當比他點到名既人要即時醒水行遠d拉開同其他人既距離...
當「病原體」等到瘟疫既狀態冇左後就可再加入戰鬥...
而如果被點名既係寵只要將寵收番就可以...
=======================================
9. 林充，外號「天雄星」...
佢冇任何技能但會用冰攻傷人...
並會降低你既冰抗...但佢弱點係怕火攻...
=======================================
10. 盧君逸，外號「天罡星」...
佢係戰鬥中會出現三種状態...
第一係「天罡皇氣護體」...
係e個狀態下佢受到既傷害會減小...
第二係「天罡霸氣附身」...
係e個狀態下他會出現好似刷燕中慕容復斗轉星移既狀態...
將對佢既攻擊都會放大後轉移到你地既身上...
所以係e個狀態下你地要先停止攻擊...
而第三係「天人五衰」...
佢會講「啊，難道天要亡我嗎？……」...
e個時候佢受到既傷害就會放大...
=======================================
11. 鲁志生，外號「天孤星」...
佢會不定時用技能「孤芳自賞」...
係e個狀態下佢會免疫内外攻傷害...
同時免疫各種属性攻傷害...但係e個狀態下...
佢依然會作出攻擊...雖然佢免疫傷害...
但e個時候NPC枯榮大師會對佢釋放技法...
令佢出現另一狀態「天煞孤星」...
係e個状態下佢既血會不停流失...
所以只要留意自己血量並回血便能過關...
======================================
12. 秦冥，外號「天猛星」...
佢冇任何技能但會用毒攻傷人...
並會降低你既毒抗...但佢弱點係怕玄攻...