2012-5-14 22:38
wilson015
女 子 中 學 死 亡 時 間
時間：不 詳
地點：某 間 女 子 中 學 廁 所
人物：Pretty Girls
我o係九龍一間女子中學讀書，相信有o的學生都曾經錄音做
廣播劇。某日，我o的 Friends 要將〈差不多先生傳〉錄
成廣播劇，不過唔記得 Book 課室，佢o地就去o左三樓個廁
所錄（因為果度靜）。佢o地仲帶埋錄音機。開頭都冇乜問
題，回帶聽一次又繼續錄，之後佢o地學〈妙手仁心〉講：
「Certify!」（宣佈死亡），死亡時間係一點九 ... 錄
到呢度，部機就有o的問題。但佢o地又繼續錄，錄完又再聽
都冇事。
第二日，佢o地又聽一次（我都在場），點知，盒帶變成一
把好似講鬼故o既男人聲，係一把好恐怖o既男人聲 ... 之
後我聽人講，三樓同一樓第一與二格廁所都好猛鬼，所以
我以後都唔敢去一樓同三樓個廁所。
李終貴按：
聽講九龍有一間女子中學以前o係打日本仔時係行刑場，如
果真係咁𠎀得咁橋，咁你o係廁所錄o既聲音，咪就係當年「
案件重演」...