2012-5-15 10:44
wilson015
荃灣猛鬼差館
差 館 有 「 皇 氣 」 照 住 ， 牛 鬼 蛇 神 應 該 退 避 三 舍 ， 不 過 有 時 可 能 好 猛 ， 八 方 聽 聞 荃 灣 差 館 近 排 傳 出 鬧 鬼 奇 聞 ， 成 班 夥 計 言 之 鑿 鑿 話 ， 有 犯 人 聲 稱 女 羈 留 室 撞 鬼 ， 嚇 到 師 姐 唔 敢 單 咇 巡 倉 ， 八 方 聽 完 ， 大 熱 天 時 都 寒 寒 。 荃 灣 區 副 指 揮 官 鄭 國 鴻 話 如 果 夥 計 真 係 好 慄 ， 會 做 法 事 安 撫 大 傢 。
女 疑 犯 羈 留 倉 內 哭 泣
八 方 問 過 幾 位 荃 灣 差 館 夥 計 呢 單 鬧 鬼 傳 聞 ， 有 人 話 唔 清 楚 ， 有 人 就 話 唔 信 ， 聽 完 得 啖 笑 ， 有 個 比 較 八 卦 師 兄 煞 有 介 事 咁 講 ， 呢 單 傳 開 個 幾 月 ， 網 上 都 有 人 討 論 。 話 說 近 排 有 個 被 羈 留 女 疑 犯 倉 內 喊 ， 最 初 唔 肯 講 咩 事 ， 追 問 之 下 先 話 倉 入 面 見 到 污 糟 ， 聲 稱 有 個 得 上 半 身 女 人 牆 角 飄 飄 吓 ！
根 據 知 道 呢 件 事 夥 計 講 ， 當 值 警 員 聽 到 不 以 為 意 ， 個 疑 犯 被 押 走 就 冇 下 文 ， 點 知 後 來 同 另 一 同 事 吹 水 ， 先 知 道 原 來 女 羈 留 室 唔 止 一 次 傳 出 有 污 糟 出 現 ， 有 其 他 疑 犯 都 聲 稱 見 到 倉 入 面 有 個 半 身 女 人 ， 紛 紛 要 求 換 倉 ， 鬧 鬼 之 說 就 係 咁 傳 出 ， 有 人 仲 聲 稱 見 過 「 隻 」 猛 到 跟 住 個 Madam 。
鬧 鬼 傳 聞 係 真 係 假 好 難 講 ， 聽 落 就 幾 邪 ， 有 人 話 可 能 同 幾 個 月 前 一 單 無 頭 公 案 有 關 。 事 緣 當 日 有 巡 邏 車 處 理 一 單 骸 骨 發 現 案 ， 正 常 情 況 下 應 該 將 副 骨 交 畀 法 醫 或 食 環 署 ， 但 由 於 當 時 係 夜 更 ， 夜 麻 麻 冇 人 認 頭 ， 帶 隊 位 阿 Sir 就 將 副 骨 擺 入 女 羈 留 倉 等 翌 日 處 理 ； 警 署 值 日 官 見 到 卻 暗 叫 不 妙 ， 即 刻 叫 夥 計 拎 走 ， 不 過 自 此 女 羈 留 倉 就 傳 出 上 述 怪 事 。 有 人 同 八 方 講 ， 好 人 好 姐 副 骨 風 吹 雨 打 已 經 夠 慘 情 ， 仲 要 鎖 入 羈 留 倉 ， 唔 發 火 就 奇 。
副 指 揮 官 稱 加 強 照 明
八 方 網 上 面 都 見 到 有 警 員 討 論 呢 單 傳 聞 ， 話 傢 巡 女 羈 留 室 時 ， 多 數 會 兩 個 女 警 孖 咇 上 陣 ， 但 唔 知 點 解 ， 近 排 再 冇 聽 到 有 疑 犯 聲 稱 見 到 污 糟 。 神 鬼 之 說 信 則 有 ， 不 信 則 無 ， 好 彩 時 運 高 相 安 無 事 ， 運 滯 撞 到 正 都 唔 奇 ， 荃 灣 差 館 有 冇 發 生 過 咁 事 ， 八 方 姑 妄 聽 之 。 荃 灣 區 副 指 揮 官 鄭 Sir 就 話 冇 聽 過 鬧 鬼 傳 聞 ， 佢 話 可 能 羈 留 室 照 明 不 足 ， 疑 犯 眼 花 先 有 錯 覺 ， 有 需 要 差 館 可 以 裝 多 幾 盞 燈 ； 如 果 夥 計 覺 得 唔 安 樂 ， 可 以 考 慮 做 安 撫 同 僚 ， 求 個 心 安 理 得 。