電視機有鬼

　一直冇講畀人知，因為怕嚇親人。而傢諗返心仍有D寒。兩年前5月，讀中五的我為左應付公開試，正埋頭努力咪書，連日來開夜車，讀到忘我境界。 那個星期考完英文又考數學，接住又考地理，嘩！終於不幸病左，仲發燒。迫於無奈休息左幾日，但實在擔心溫唔切書。來緊星期一天要考中文，一時情急，唔知點算喊左出來。比其他同學讀遲左幾日溫書，有咩法子唔擔心？傢人見我咁，都好心痛，勸我抖足精神，然後再讀。同學仔打電話來慰問。結果鬥志頑強的我咬實牙根，再度起精神搏殺。

　記得那晚，大約深宵兩三點，已經讀左大半，雖然身體仍然虛弱，但腦部同眼睛冇乜倦意，呢個可能是人傢話「你唔覺自己病咁就冇o麥病」。突然心血來潮，想睇下電視。開著佢，但發現電視機黑漆漆，突然反射出有三個人坐響度，係三個大肥婆的物體。

　電視機正正反射對著住梳化位，嚇得我唔敢鬱。電視機內的三個影子雖然睇唔真，但感覺到佢o地開始發現我注視佢o地。佢o地目露兇光、來勢洶洶向住我，好似準備行動。突然背後有把聲話：「快點睡，聽日再讀。」原來係阿媽起身去廁所。再轉頭，三個影子消失左。唔知點解，我始終冇講畀任何人知。翌年，我o地全傢搬屋，怪事亦冇發生過。