2012-12-27 11:08
sinta
港男一鋪清袋 下世唔娶內地女
[youtube]jbOFyPoFCT8[/youtube]
男人，不再與強者畫上等號！近年男性被女性施虐的個案趨增，和諧之家去年推出針對有關問題提供輔導服務，至今年8月已處理58宗個案，當中七成個案涉及中港婚姻，自認是受虐者的港漢阿Mike（化名），在中港情緣中落得妻離、子散、公屋被奪的下場，他感慨地說：「如果畀我從頭再揀，絕對唔會返大陸娶老婆！」
記者：吳淑義
[img]http://static.apple.nextmedia.com/images/apple-photos/apple/20121227/small/27va016p102.jpg[/img]
在網上結識中山姑娘何小姐，阿Mike結婚時幸福滿溢，怎料決裂收場。受訪者提供圖片
妻騙18萬鄉下買樓
「我叫阿Mike，今年47歲，2000年做地盤工嗰陣，可能係中暑暈低咗，因而訩咗一筆工傷賠償，但之後個腦變得遲鈍，諗住學上網（個腦）會轉快啲。後來喺網上識咗個細我10年、姓何嘅中山姑娘，大家好啱傾，佢又好溫柔，於是開始拍拖。
佢喺內地家境唔錯，開頭對我幾好，會買衫同買禮物畀我。但佢同阿爸唔啱，話屋企有錢唔代表佢有錢。我哋04年結婚，05年佢落嚟香港生咗個仔，之後帶返大陸湊，最初佢話唔想嚟香港，因為喺中山算係中產階級，唔想嚟香港變成草根階層，叫我畀18萬佢喺鄉下買樓。
嗰時我做校巴司機，每個月上大陸一、兩次，但佢生咗仔之後同個仔瞓，兩公婆冇乜時間相處。佢原本幫阿哥間公司做會計，外母話佢計到條數亂晒龍，鬧大交，於是就叫我申請佢嚟香港；直至09年落嚟，一家住喺鴨脷洲邨單位。
佢嚟到香港就變晒，我月入大約1.2萬，佢做美容師都有1.2萬，但佢嘅錢用嚟買名牌，唔會幫補家計，大家多咗拗撬。直到前年，佢突然申請同我離婚，同法庭講06年喺內地我哋已經分床瞓，算係分居。如果我知道當時係分居，點解喺09年會申請佢嚟香港？根本係處心積累呃我，呢啲算唔算騙婚？申請離婚之後，佢不斷精神虐待我，例如我返夜班，佢特登嘈到我瞓唔到覺，連門鎖都撞爛埋，仲喺屋企同男性傾電話，連個仔同我玩都要經佢批准，我好無助。
失子撫養權及公屋
最後我發現，大陸買嘅樓歸佢阿媽名下，冇我個名，兩個月前仲收到離婚令，佢攞咗阿仔嘅撫養權，連間公屋依例判畀佢，我被迫搬去屯門中轉屋，重新輪候單身人士公屋，可以話乜都冇晒。
大陸人好深謀遠慮，要呃你，係呃咗你都唔知，我覺得自己冇帶眼識人，好後悔，已經向入境處舉報有人騙婚，要求刑事調查，結果係點就唔知，但肯定唔會再搵內地女人做老婆！」
[img]http://static.apple.nextmedia.com/images/apple-photos/apple/20121227/small/27va016p101.jpg[/img]
阿Mike人財兩失，連鴨脷洲邨的公屋單位亦被法庭判給前妻。張志華攝
來源:[url]http://hk.apple.nextmedia.com/news/art/20121227/18115152[/url]
2012-12-30 23:09
26015
離婚後, 公屋判給妻子. 你住那裡? 為何這樣判? 你是否有把柄在你前妻? 你有否在婚前欺騙你前妻為有錢人, 有物業, 有公司? 你前妻是否認識你時是美艷動人, 而你自問若非本人非香港人獲得香港福利及送錢給前妻亂花費, 她是绝不會嫁給你? 若阿MIKE自問沒有把柄在前妻手裡(如將性病感染前妻或外遇前妻有證據), 未婚前是真誠交流, 而感情也非建立在金錢上, 惟有這樣安慰: 相比X春艷的自殺老公, 你已經很幸運了.