肥媽患子宮瘤：臨走前享受吓

肥媽瑪利亞、陳潔靈（Elisa）及葉麗儀三位殿堂歌手，明晚再聚首在紅館開騷，但在最關鍵時刻，現年59歲的肥媽發現生子宮瘤！另外，過了後晚，三人做完「3個女人1個墟演唱會」後，便正式告別不再合作開騷。三人於八年前首度聯手，58歲的陳潔靈說：「我哋三個冇人代替到，合作默契好好，有特別火花，但見好就要收，唔怕俾人話不和告別。」

[b]「臨走前享受吓先」[/b]
兒孫滿堂的肥媽，今年跟老公補擺婚宴，以為她活得很開心，原來她卻接連受打擊，她日前接受本報專訪，觸動到傷心處時更忍不住哭訴：「唔知係咪最近心情唔好，本來子宮瘤冇鬼咗，𠵱家又生番。醫生話收咗經後生瘤唔係咁好，𠵱家攞咗細胞去驗，我唔睇報告住，做埋演唱會先，如果話畀我知有事，點唱落去呀！」
肥媽坦言老公知道後憔悴又傷心：「我覺得呢次係個天話畀我知『夠鐘啦，陪吓老公啦！』我已經第二次，婚後第一年患腸癌，我知道癌症唔死人，係嚇死人啫！我同佢友愛長存啦，睇邊個長命，所以我諗通咗，臨走前享受吓先，費事做到走嗰日，呢排經過街道，諗自己會否唔捨得離開水銀燈，其實安樂窩仲吸引。」

[img]http://static.apple.nextmedia.com/images/apple-photos/apple/20131004/large/04ec2p1a.jpg[/img]
■肥媽（右）日前受訪時哭訴患子宮瘤，陳潔靈忙加安慰。

至於陳潔靈的丈夫於四年前因肺癌病逝，她握着肥媽的手安慰說：「中國人講唔見棺材唔流眼淚，你識咁講就啱，我老公走咗，我想同佢做乜嘢都做唔到。」而抗癌鬥士葉麗儀則嘆謂：「我49歲患乳癌都係咁同自己講，人開心同唔開心都要過，但你可以選擇正面同開心地過日子，每個曾經生癌嘅人，都有陰影幾時會翻發。」


[img]http://static.apple.nextmedia.com/images/apple-photos/apple/20131004/large/04ec2p3a.jpg/img]
■（左起）肥媽、葉麗儀及陳潔靈宣佈不再合作，見好就收。

[img]http://static.apple.nextmedia.com/images/apple-photos/apple/20131004/large/04ec2p2a.jpg[/img]
■肥媽坦言老公知道噩耗後十分傷心。資料圖片


來源:蘋果日報網站