尼馬邁阿密之旅　遇碧咸變小粉絲

效力巴塞隆拿嘅巴西國腳前鋒尼馬，無疑係現今球壇其中一個最炙手可熱嘅球星，不過喺神級型男碧咸面前，佢同自己班國家隊隊友都即刻變晒做小粉絲，而且仲表現得鬼咁興奮，爭住同碧咸影相。
巴西禮拜六會喺美國邁阿密友賽洪都拉斯，以準備明年夏天由佢哋主辦嘅世盃決賽周；而佢哋班球員早喺禮拜一就到咗邁阿密，為呢場波進行備戰工作。咁啱碧咸都嚟咗邁阿密傾生意，諗住用2,500萬鎊（約3.1億港元）搞一隊美職聯球隊；就係咁喺禮拜二，21歲嘅尼馬同佢班隊友，喺住嘅酒店同呢位38歲英格蘭型男撞到應。

[img]http://static.apple.nextmedia.com/images/apple-photos/apple/20131114/large/14s5-313p.jpg[/img]
■巴西（圖）粒粒皆星，估唔到企埋「萬人迷」碧咸（左四）身邊，個個變晒奀星。互聯網

[b]第三度同偶像合照[/b]
偶像突然出現，尼馬亦即刻由球星化身做小粉絲，嗱嗱臨攞部手機出嚟，託隊友幫佢哋影相。查實今次唔係尼馬第一次同偶像見面，早喺佢10歲時就同碧咸影過相；而之前佢亦有親身去美國捧場，喺後台同當時效力洛杉磯銀河嘅碧咸合照，兼且流露出仰慕嘅眼神㖭。尼馬嚟到邁阿密亦好識做，周二拉大隊去睇勒邦占士領軍嘅熱火，而占士亦順利大勝炒公鹿。
除咗尼馬之外，𠵱家喺英超效力車路士嘅大衛雷斯見到碧咸都超開心，同樣都變埋小粉絲，而且拉埋尼馬同碧咸一齊影相。而佢哋兩個仲非常鬼馬，齊齊用手指指住碧咸，話畀人知身邊嘅就係「萬人迷」碧咸；大衛雷斯隨即仲掟咗堆相上instagram，仲以「傳奇」嚟形容碧咸。


[img]http://static.apple.nextmedia.com/images/apple-photos/apple/20131114/large/14s5-319pzok.jpg[/img]
勒邦占士邁阿密熱火前鋒


[b]成隊巴西兵爭住影[/b]
碧咸嘅魅力，梗係唔止淨係吸引到尼馬同埋大衛雷斯啦，連巴西其他球員都頂唔住，要爭住同佢影相留念，其中效力巴黎聖日耳門嘅堤亞高施華仲笑到四萬咁口，唔知仲以為佢中咗六合彩㖭！家陣踢緊利物浦嘅盧卡斯，雖然比較含蓄，但影相嘅時候攬住碧咸條腰，真係恨死嗰啲想同碧咸有近距離接觸嘅粉絲，當然包括我求大俠喇。至於禮拜六場波，碧咸未決定入唔入場睇，如果佢真係親身到場捧巴西，睇嚟森巴兵團班球星，賽後肯定又會爭住同佢影相。

[img]http://static.apple.nextmedia.com/images/apple-photos/apple/20131114/large/14s5-312pnew.jpg[/img]
尼馬（左）碧咸（右）


來源:蘋果日報網站

*** 作者被禁止或刪除 內容自動屏蔽 ***