黑影人跟蹤掂下半身　咖啡妹：好怕怕

昨日凌晨，「咖啡妹」傅嘉莉喺微博自爆俾人跟蹤：「剛才10點出去家附近買點東西，回家路途中我發覺身後有一道身影跟著我，但當時我沒有很為意只專注快步回家。在過天橋中段，這身影一直跟得很貼，我走得很快但這男子也隨後跟住。直到下樓梯，摟(樓)梯很寬沒有人，所以我故意站在最右手邊下，想侍他走過我，但他不但仍跟著還貼得我非常近，這刻我真的恐懼起來」

昨日傅嘉莉出席台慶活動，被問到此事，佢表示前晚著上緊身運動衫出街，有個男人跟住佢，仲企圖用身體掂佢下半身，傅嘉莉發現之後已經怒啤佢。問佢有冇報警，佢就話:「冇，驚唔受理。」咁事後有冇唔開心同喊?佢話:「冇，只係返到屋企手腳冰凍。」

問到以後係咪唔會著到咁引人注目出街，傅嘉莉話呢一身打扮好正常，又表示:「依家街上面有好多古怪人，會少啲出夜街。」其實如果遇到危險，點都係去報警安全啲。

[img]http://static.apple.nextmedia.com/images/apple-photos/video/20131120/org/138489ktzhk.com_fdb4.jpg[/img]


來源:蘋果日報網站