的士陳爆大鑊　TVB講大話

無綫前晚《萬千星輝賀台慶》出動300多名小生花旦及歌手力撐，不過盛傳無綫與星煥合組星夢娛樂唱片公司，令英皇不滿，遂拉隊缺席台慶。無綫非戲劇製作總監余詠珊曾解釋已廣發英雄帖邀請歌手出席，不過很多歌手不在香港。不過，英皇歌手陳偉霆前晚自爆未獲邀請，變相踢爆有人講大話！
英皇歌手陳偉霆、泳兒、鍾舒漫、洪卓立及藝人湯怡前晚在天際100出席I.T活動，為何選擇I.T活動而不去台慶？陳偉霆大笑說：「第一，冇邀請我，工作上有邀請就做邊個先；第二，同I.T關係好，就算做台慶，都睇吓過唔過嚟。」他表示暫與無綫沒有合作。英皇有否指示減少上無綫？他們表示有歌宣傳都會正常去無綫。
無綫藝員一致唱好台慶收視，鍾嘉欣昨在電視廣播城出席新劇《大藥坊》拜神儀式時說：「收視唔可以同以往比較，希望唔好樣樣嘢都關無綫事。」不過陳百祥的挑機言論有機成為拖累收視的關鍵，嘉欣仍死撐：「應該講係會更高、更有聲音。」對於民怨及阿叻的言論，陳展鵬說：「有問題就努力去做多啲嘢畀觀眾睇。」而唐詩詠承認阿叻的言論對收視有一定影響。


[img]http://static.apple.nextmedia.com/images/apple-photos/apple/20131121/small/21ec2p5aaa.jpg[/img]
■（左起）歌手G.E.M.、譚詠麟、王菀之及謝安琪前晚撐起台慶。

[img]http://static.apple.nextmedia.com/images/apple-photos/apple/20131121/small/21ec2p4aaa.jpg[/img]
■無綫藝人鍾嘉欣及陳展鵬一致唱好台慶。


來源:蘋果日報網站