全智賢「大支嘢」拍劇排場勁過千頌伊

[youtube]HbE5Ybfiqis[/youtube]


韓劇《來自星星的你》熱爆亞洲，32歲嘅全智賢及26歲嘅金秀賢人氣急升，成為國民女神及人氣男神。有雜誌直擊雙賢喺韓國拍《星星》實況，上星期就影到「都敏俊」金秀賢包到冚拍劇，雖然係人氣偶像，但佢都要直踩20粒鐘開工，生日正日都冇假放，其間只有一名靚仔助手跟身。

至於「千頌伊」全智賢又點呢？由於劇集本周四大結局，所以要加緊拍攝，全智賢都冇得唞㗎，今期該雜誌貼身追訪呢位國民女神拍劇情況，報道指天后級嘅全智賢排場好勁，無論係開工定放飯，都有五名助手跟身，就算開餐時都要封場，比劇中嘅「千頌伊」更加架勢。

上周三早上，全智賢由司機揸部平治房車接載到拍攝場地，當時全智賢身穿疑似睡衣現身，頭耷耷似未瞓醒，不過保養得宜，皮膚白滑，輪廓分明，令人艷羨。而最緊要係，全智賢有私人化妝車，只需由Benz行幾步，即可跳上一部黑色保母車化妝兼換戲服，相當方便，唔使坐車到髮型屋化妝set頭之餘，又可以保私隱，想睇佢素顏認真唔容易。

[img]http://static.apple.nextmedia.com/images/apple-photos/video/20140226/org/1393357029_9e3a.jpg[/img]


來源:蘋果日報網站