孖大咪再「坐監」黃光亮爆粗：X那媽

王宗堯､姜皓文､黃光亮､張建聲､蔡瀚億及何家駒等，昨日齊齊以監躉造型，宣傳新戲《高登闊少踎監日記》，而張松枝則於戲中飾演懲教員。

眾人喺台上大搞氣氛，當黃光亮上台講嘢時，支咪突然冇聲，黃光亮就笑住爆粗：「X那媽。」跟住佢又見台下有傳媒拍照，佢再笑笑口爆粗：「影乜X嘢呀？」

當司儀喺台上表示呢部係「教育電影」黃光亮又嚟料：「教乜X嘢育？哦﹗反面教材呀？教人坐監呀？」佢話拍呢部戲時睇咗本原著小說，仲話用咗三個鐘睇晒本：「好好睇呀﹗小說原著『小姓奴』，佢好似黃霑再世，對呢部戲好X支持。」

至於張建聲為部戲增肥，佢喺台上除咗件衫，騷咗個大肚腩出嚟，仲搞笑問監製：「可唔可以有部戲我唔使除衫0架？」監製答返佢：「得，你着衫沖涼，不過要執番梘。」現場還進行「入冊儀式」，由黃光亮幫王宗堯落髮，剪咗一小撮頭髮，王宗堯話：「真係眼濕濕。」

[img]http://static.apple.nextmedia.com/images/apple-photos/video/20140325/org/1395692552_e336.jpg[/img]


來源:蘋果日報網站