蘇施黃認低威反省　網民圍插講大話

蘇施黃日前為了一杯濃茶收費，在電台開咪兼在facebook唱衰銅鑼灣皇冠假日酒店是cheap精，甚至開名嘲諷侍應蠢，事件激起網民狂轟，連商台首席智囊陳志雲都幫理不幫親。被插到體無完膚的阿蘇，昨日終在fb公開反省，不過卻沒向酒店和該侍應道歉，難怪連事不關己的網民都拒收貨，繼續留言炸爆她的fb。

[img]http://static.apple.nextmedia.com/images/apple-photos/apple/20140414/large/14ec4p2r.jpg[/img]
■阿蘇再度於fb貼文回應事件，態度明顯軟化，甚至有反省字眼。


被轟詭辯
阿蘇昨日在fb為茶包事件解畫：「我係一個樂於學習，樂於反省的人。我今次絕對有不是的地方，錯在"assume"。我冇問清楚加一個茶包要加多幾多錢，我assume的價錢和Crown Hotel收的價錢有距離，所以細時學過千萬不要"assume", make an"ass" out of"u" and"me"！」最後阿蘇還祝大家繼續生意興隆，不知是明祝福還是暗嘲諷！

然而，阿蘇的反省卻不道歉令網民不滿，群起攻伐：「道歉嘅時候又唔打請廣傳？馬上同番職員道歉是常識吧。」、「你呢啲唔係認錯，係講大話掩飾自己過錯。」、「乜嘢叫繼續生意興隆，好X串囉。」不過，亦有網民撐阿蘇無錯：「有時服務員嘅態度都好有可能觸怒到食客，乜嘢叫做『經理都係咁話』！」

[img]http://static.apple.nextmedia.com/images/apple-photos/apple/20140414/large/14ec4p1r.jpg[/img]


來源:蘋果日報網站