2017-5-17 19:27
lisbeth
拒絕監督確遺憾 寫錯中文誰蒙羞
啄木鳥以天牛、白蟻等害蟲維生，向來有「樹木醫生」之稱，如果樹木係人，識講人話，應該多謝都嚟唔切，斷估唔會因為啄木鳥整到佢周身痛而「強烈譴責」、「深表遺憾」啩？
中大韓籍男生日前懷疑吸食大麻，企圖非禮女同學及裸跑，東網記者第一時間發揮為民喉舌、針砭時弊�H「啄木鳥」功能，直擊涉事宿舍保安漏洞，本意係為同學福祉著想，點知宿舍所屬書院學生會跟手致函本報「強烈譴責」、「深表遺憾」之餘，仲話記者違背傳媒職業操守，要求本報致歉喎。
傳媒以報道真相為天職，東方有關報道有根有據，有片有證，咁都要致歉，唔係啩？話時話，大學用�H係公帑，公眾有責任監察，特別係近年大學宿舍烏煙瘴氣，欺淩、性虐乜都有，早就亂象叢生，家陣甚至發展到宿生公然隊草，更加引發全城高度關注，本報有關報道正正咪係同學們所講「以服務公眾為優先考慮」囉。
既然同學們講到傳媒操守，就等功夫茶袋錢入你哋袋，免費上番課新聞學ABC喇。報章記者為挖掘事實真相，好多時都會以現場直擊方式採訪，○三年英國《每日鏡報》派記者扮僕人進入布殊下榻�H白金漢宮；○五年英國《太陽報》記者成功攜帶假炸彈進入哈利王子就讀�H軍校，都係最典型例子，東方�H直擊報道完全符合「國際標準」。
講起英國《太陽報》呢單嘢，[url=http://ceceliat.blogspot.sg/][color=#000000]一些第[/color][/url][url=http://www.blogster.com/instantly/][color=#000000]三方支[/color][/url][url=http://blogsvia.com/index.php?p=suddenly][color=#000000]付平台也[/color][/url][url=http://lizbeth.bloog.pl/][color=#000000]向警方反映[/color][/url][url=http://greatrt.bravesites.com/blog][color=#000000]發現了多個[/color][/url][url=http://noelani.bravesites.com/blog][color=#000000]可疑賬號[/color][/url]當時該報頭版大字標題「我可以將哈利炸至粉身碎骨」，即使擺明被挑機，國防部第一時間唔係「強烈譴責」傳媒，而係下令軍校徹查事件、堵塞漏洞，同學們學嚇嘢喇。再講吖，本報記者盡力保護同學私隱，全程避開唔影人樣同宿生房間，完全做到「公眾知情權」與「同學私隱」之間�H平衡，體現咗專業精神！
可以咁講，與其話本報應該向學生會「致歉」，不如話學生會應該向本報「致謝」。當然喇，本報隻係克盡「第四權」本分，唔需要任何人感謝，之但係同學們讀咗咁多年聖賢書，應該知書明理，最起碼你哋作為中文大學學生，正式信函都唔好咁多錯別字吖嘛。「新聞從業員應向……受影響人『事』(士)負責任」已經嚇親人，仲嚟多句「『岡』(罔)顧門前警告」，「岡」、「罔」不分，「事」、「士」莫辨，唔好咁「差不多先生」好喎！
孟子就講得啱嘞︰「行有不得者，皆反求諸己。」當同學們動輒指摘報章「令香港新聞界蒙羞」�H同時，係咪應該自我檢討，係邊個令老師、家長同納稅人蒙羞呢？