點解d人咁變態???(轉貼)

大家以後唔好去[color=Red]長沙灣青山道嘅(愛x)寵物店[/color]幫襯呀!!!!
早幾日我老豆帶隻狗去佢屋企附近嘅寵物店冲涼,放底隻狗之後嘅三＋分鐘,有個女仔打俾老豆話隻狗出事,老豆即刻返狗鋪,見到隻狗嘅右眼凸咗出嚟,問個女仔點解會咁??個女仔話隻狗自己揰親..當時狗鋪老細問老豆有冇相熟醫生.老豆話冇.之後個老細俾咗地址我老豆,(當時老豆太亂,即刻帶隻狗走)......去到診所,醫生話要即刻做手術,要將隻眼兩邊界開,再放番眼球入去(唔使留醫,做咗接近兩個鐘手術便回家)...嗰晚我哋上老豆屋企睇隻狗,覺得唔會係自己撞親,而係俾人打.所以我哋決定報警.但警方話無證人證明到係個女職員打,所以唔可以落案起訴!!之後再打去漁農處,有關部門已經派咗工作人員去嗰間舖頭問話,星期一老豆要去漁農處俾口供,同埋俾出事之後嘅相佢哋,經(漁)瞭解&評估過後,認為係狗舖職員人為導致狗隻受傷,就可告上法庭~~
所以請各位小心~~
千萬唔好去嗰間狗舖呀

好恐怖...
我隻狗仔每次一去到美容院門口聽到d狗慘叫聲都嚇到佢唔敢入去.. 本身未行到去美容院仲好開心..擺哂尾咁跑阿跑.. 一拉到佢去美容院門口..驚到震..
已經聽過好多傳聞話寵物美容院..佢地對狗已經麻目喇.. 為左要將狗仔扮靚d.. 就算要打都要隻狗仔聽聽話話任佢舞..  但我身為主人.. 我打佢就得..人地打佢絕對唔得..!! 雖然到目前都未發生問題..
.. 我寧願我隻狗仔無咁靚靚.. 少去美容院..  自己隻狗當自己既主人係全部.. 當你帶佢到一個陌生既地方.. 仲有陌生人打佢.. 佢幾咁無助..
我諗到都心痛..

祝你隻狗狗早日康復

=.=.........

好恐怖啊！！！！！
好可怜的狗狗。。。。

唉,真係咩人都有........

以前養狗時曾經帶佢地去包月沖涼,有一次,在一間寵物店沖涼後回家,我檢查佢地 d 皮膚,發覺有好多好似針洞的血痕留下,應該係俾人用鐵梳打過佢地,個心好痛!!!!就算已經俾哂包月 d 錢,我都冇再帶佢地去沖涼,自己一手一腳同番佢地沖,費事俾人打佢地!!!!

我有個朋友帶狗去寵物店沖涼,點不知隻狗心臟病發死左,之前係好地地的,唔知寵物店 d 人係味打過佢,嚇死左佢!!!

如果自己有時間的話,自己幫番自己的寵物沖涼係最好的,出面的人係唔可信的!!!!!

之前漏睇左睇條 link ,後來按入去睇過...嘩!有冇搞錯~~隻眼腫得咁厲害,睇到都心痛,冇人性!咁對待一隻靚靚松鼠狗,不過..你地都好難告得佢地入,始終隻狗又唔識講嘢,你又冇證據帶隻狗俾佢地沖涼時隻眼係冇問題,以後都係自己同番佢沖涼啦!

祝狗狗早日康復!!!!!

有無搞錯!!!!長沙灣青山道嘅(愛x)寵物店